O Concello de Cedeira comprou recentemente seis novas camas xeriátricas con brazo elevador destinadas ás persoas usuarias do Servizo de Axuda no Fogar que non contan con recursos para compralas e facilitar a súa mobilidade. Tal como explican desde o goberno local, estes equipos se prestarán de xeito indefinido, mentres os precisen, a persoas usuarias do Servizo de Axuda no Fogar.
Nos últimos anos o Concello foi pouco a pouco mellorando a súa dotación neste eido, de xeito que con esta última contratación conta xa con 30 camas xeriátricas e 12 guindastres que representan pezas moi importantes para facer máis doado o traballo do persoal de Servizos Sociais e tamén das propias familias. É, tal e como destacan desde o goberno local, un equipamento que redunda directamente na mellor calidade de vida dos dos doentes e das persoas que os coidan.
O investimento nestas novas sete camas xeriátricas foi de 9.300€ (IVE incluído) e a empresa Coloro foi a encargada de suministrarlas.
Fonte: Concello de Cedeira
No hay comentarios:
Publicar un comentario